- დეტალები
- განყოფილება: სიახლეები
- გადასვლები: 1900
გორის მუნიციპალიტეტის საჯარო სკოლებს 15 ოქროს და 17 ვერცხლისმედალოსანი ჰყავს. კურსდამთავრებულებს მიღწეული წარმატება გორის მუნიპალიტეტის საკრებულოს თავმჯდომარემ კონსტანტინე თავზარაშვილმა, გორის მუნიციპალიტეტის გამგეობის განათლების განყოფილების უფროსმა ლელა მაისურაძემ და საგანმანათლებლო რესურსცენტრის წარმომადგენლებმა მიულოცეს. მედლების გადაცემა საზეიმო ვითარებაში მოხდა, ახალგაზრდები სიტყვით გამოვიდნენ და საზოგადობას მოკლედ მოუყვნენ თუ რამდენად რთული გზის გავლა დასჭირდათ ამ წარმატების მისაღწევად. აღნიშნეს, რომ შრომის დაფასება და მედლების მიღება მათთვის პირველი ნაბიჯია მომავალი წარმატებული კარიერისათვის. გორის მუნიციპალიტეტის გამგეობამ წარჩინებული მედალოსნების დაბა ურეკში 5 დღით დასვენება უზურუნველყო.
- დეტალები
- განყოფილება: სიახლეები
- გადასვლები: 80
ფოლკლორის ფესტივალს „ლეგენდა მარტვილზე“ უფლისციხემ უმასპინძლა. საკუთარი ქვეყნის ფოკლორი მუზეუმ - ნაკრძალში იტალიის, ალბანეთის, ბულგარეთის, რუსეთისა და ლიტვის ანსამბლებმა წარმოადგინეს. უცხოურ ფოლკლორთან ერთად უფლისციხეში ქართული ხალხური სიმღერის ხმაც ისმოდა. ქართული ფოლკლორი გორის მუნიციპალიტეტის გამგეობის ანსამბლმა „მაჩაბელამ“ წარმოადგინა. წარმოდგენილი იყო, როგორც ხალხური სიმღერა, ასევე ქორეოგრაფიული ნომრები.
უცხოელ სტუმრებთან ერთად, ფესტივალს ადგილობრივი ხელისუფლების წარმომადგენლებიც ესწრებოდნენ. მონაწილეებსა და მაყურებლებს გორის მუნიციპალიტეტის გამგებელმა დავით ონიაშვილმა და ორგანიზატორებმა მიმართეს. მათ ფესტივალის მნიშვნელობასა და ქართულ კულტურაზე ისაუბრეს.
ფოლკლორის ფესტივალის ორგანიზატორია საქართველოს ეროვნული გმირის, ქაქუცა ჩოლოყაშვილის სახელობის ჩოხოსან რაინდთა დასი და მარტვილის მუნიციპალიტეტის გამგეობა. ღონისძიების მხარდამჭერები არიან ჩხოროწყუს, აბაშისა და გორის მუნიციოპალიტეტების გამგეობები.
ფოლკლორის ფესტივალი „ლეგენდა მარტვილზე“ 10 ივლისს მარტვილში საზეიმოდ გაიხსნა. უფლისციხემდე მას ჩხოროწყუმ და აბაშამ უმასპინძლა. დღეს მარტვილში ფესტივალის საზეიმო დახურვა იგეგმება.
- დეტალები
- განყოფილება: სიახლეები
- გადასვლები: 74
გორის მუნციპალიტეტის გამგეობასა და პოლონეთის რესპუბლიკის ქალაქ ოლეცკოს მუნიციპალიტეტს შორის საერთაშორისო თანამშრომლობის შესახებ წინასამემორანდუმო შეთანხმება უფლისციხეში გაფორმდა. დოკუმენტის ხელმომწერნი გორის მუნციპალიტეტის გამგებელი დავით ონიაშვილი და ქალაქ ოლეცკოს მერი ვაცლავ ოლშევსკი არიან. ქართული და პოლონური მხარე თანმხდებიან განათლების, კულტურის, სპორტის, ტურიზმის, სოფლის მეურნეობის და ეკონომიკური განვითარების მიმართულებით ორმხრივ თანამშრომლობაზე.ხელმოწერის ცერემონიალზე ვაცლავ ოლშევსკიმ აღნიშნა, რომ აღნიშნული თანამშრომლობის მიზანია, შემუშავდეს ისეთი პროექტები, რომლებიც მოსახლეობას სარგებელს მოუტანს. ასევე აღინიშნა, რომ შეთანხმება არ უნდა შემოიფარგლოს მხოლოდ თვითმმართველობების ურთიერთობით, ისინი ეცდებიან ხელი შეუწყონ მათი მხრიდან გორის მუნციპალიტეტისათვის ინვესტიციების მოზიდვას. აღნიშნული წინასამემორანდუმო შეთანხმება წინმსწერბია საერთაშორისო თანამშრომლობის შესახებ მემორანდუმისა და რომლის ოფიცილური ხელმოწერა სამომავლოდ ქალქ ოლეცკოშია დაგეგმილი.
- დეტალები
- განყოფილება: სიახლეები
- გადასვლები: 87
წელს, „მშვიდობის გზავნილები“ ოსურ მხარესთან სოფელ ნიქოზიდან გაიგზავნა. ღონისძიებაზე მოეწყო მუზეუმებსა და პირად არქივებში დაცული ქართულ-ოსური ურთიერთობის ამსახველი ფოტოსურათების, ქართველი და ოსი მხატვრების ნამუშევრებისა და სახელმძღვანელოების გამოფენა, ჩატარდა კონცერტი, სადაც ქართულ და ოსურ ენებზე შესრულდა სხვადასხვა მუსიკალური და ქორეოგრაფიული ნომრები.
„მშვიდობის გზავნილებს“ უკვე ტრადიციული ხასიათი მიეცა და ა(ა)იპ კავკასიური მოზაიკის ორგანიზებითა და საქართველოს კულტურისა და ძეგლთა დაცვის სამინისტროს ხელშეწყობით მეორედ გაიმართა, მისი მთავარი მიზანი ქართულ-ოსური ურთიერთობების აღდგენა და მათი საერთო კულტურულ-ეროვნული ფასეულობების წარმოჩინებაა. ღონისძიებას მოსახლეობასთან ერთად ხელისუფლებისა და საერთაშორისო ორგანიზაციების წარმოამდგენლები და საქართველოს სხვადასხვა რეგიონიდან ჩამოსული სტრუმრები ესწრებოდნენ.
- დეტალები
- განყოფილება: სიახლეები
- გადასვლები: 108
გაცნობებთ, 6 ივლისს ქ.გორის სასწავლო უნივერსიტეტში საქართველოს სპორტისა და ახალგაზრდობის საქმეთა სამინისტროს პროექტის „ახალგაზრდებში სამეწარმეო კომპეტენციის განვითარების პროგრამის“ შესახებ საინფორმაციო შეხვედრა გაიმართება.
პროექტის მიზანია დაეხმაროს ახალგაზრდებს მეწარმეობის უნარ-ჩვევებისა და კომპეტენციების განვითარებაში, რათა ჰქონდეთ შესაძლებლობა აქტიურად გამოიყენონ არსებული შესაძლებლობები პიროვნული განვითარებისთვის, დასაქმებისთვის, სტარტაპის დაწყებისა და თვითდასაქმებისთვის.
პროგრამა მოიცავს ტრენინგებს, კონსულტაციებს, მენტორინგს, იდეებზე მუშაობას და საუკეთესო იდეების წარმოდგენას თბილისში დემო- დღეზე. ტრენინგების გავლის შემდეგ ახალგაზრდებს შესაძლებლობა ექნებათ USAID ,,ზრდა'' პროექტის დახმარებით დაუკავშირდნენ სხვადასხვა ფონდებს, რაც დაეხმარებათ მათ მიერ შემუშავებული სამეწარმეო პროექტების რეალიზებაში. პროგრამა განხორციელდება გორის, ზუგდიდის, ახალციხისა და პანკისის მუნიციპალიტეტებში.
შეხვედას სამინისტროს წარმომადგენლებთან ერთად პროგრამის განმახორციელებელი ორგანიზაცია ,,ახალგაზრდული ინოვაციების ცენტრი’’ გამართავს.
პროგრამა ხორციელდება საქართველოს სპორტისა და ახალგაზრდობის საქმეთა სამინისტროს მიერ, USAID-ის ,,ზრდა’’ პროექტის პარტნიორობით. ქ. გორსა და გორის მუნიციპალიტეტში პროგრამის მხარდამჭერების არიან გორის მუნიციპალიტეტის გამგეობის და ქ. გორის მერიის ახალგაზრდული სამსახურები.
ადგილი: გორის სახელმწიფო სასწავლო უნივერსიტეტის სააქტო დარბაზი;
დრო: 14:00 საათი
შეხვედრაზე დასწრება შეუძლიათ 17-დან 29 წალმდე ახალგაზრდებს.