- დეტალები
- განყოფილება: სიახლეები
- გადასვლები: 146
გორის მუნიციპალიტეტის სოფელ ვარიანში, 2008 წლის აგვისტოს ომის დროს დაღუპული მებრძოლის მემორიალი გაიხსნა. ზურაბ აბრამიშვილი ცხინვალში შეტაკების დროს დაიღუპა. მემორიალი დღეს გორის მუნიციპალიტეტის გამგებელმა დავით ონიაშვილმა და ადგილობრივი ხელისუფლების სხვა წარმომადგენლებმა გვირგვინით შეამკეს და დაღუპული ჯარისკაცის ოჯახის წევრებთან ერთად კიდევ ერთხელ გაიხსენეს აგვისტოს ომის დროს მიმდინარე მოვლენები.
- დეტალები
- განყოფილება: სიახლეები
- გადასვლები: 189
80 - მდე სკოლამდელი ასაკის ბავშვი სწავლა-განათლების მიღებას ახალ საბავშვო ბაღში შეძლებს. გორის მუნიციპალიტეტის სოფელ ვარიანში, მეურნეობის დასახლებაში, საბავშვო ბაგა-ბაღი გაიხსნა. ბაღის გახსნა პატარებს, მათ მშობლებსა და პედაგოგებს გორის მუნიციპალიტეტის გამგებელმა დავით ონიაშვილმა მიულოცა. ვარიანის მეურნეობის დასახლებაში უფუნქციოდ დარჩენილი ძველი ორსართულიანი შენობის რეაბილიტაცია ადგილობრივი ბიუჯეტიდან განხორციელდა.
პროექტის ღირებულებამ 155 055 ლარი შეადგინა. ჩატარდა შენობის სრული რეაბილიტაცია: შეიცვალა სახურავი, განხორციელდა კაპიტალური სარემონტო სამუშაოები, მოეწყო წყალმომარაგებისა და საკანალიზაციო სისტემა. საბავშვო ბაგა-ბაღის შენობაში განხორციელდა ინოვაციური პროექტი, რაც ელ. ენერგიაზე მომუშავე გათბობის Heat Life -ის სისტემის მონტაჟს გულისხმობს. გათბობის პროექტის ღირებულება 34 650 ლარია.
- დეტალები
- განყოფილება: სიახლეები
- გადასვლები: 142
გორის მუნიციპალიტეტში კიდევ ერთი ბიბლიოთეკა გაიხსნა. ახალხიზის კლუბის შენობაში, სხვადასხვა ჟანრის წიგნები უკვე მიიტანეს. პროექტი გორის მუნიციპალიტეტის გამგეობისა და ილია ჭავჭავაძის საქველმოქმედო ფონდის თანამშრომლობის ფარგლებში განხორციელდა. ბიბლიოთეკის გახსნა ადგილობრივ მოსახლეობასა და ბავშვებს გორის მუნიციპალიტეტის გამგეობის თანამშრომლებმა მიულოცეს. მათთვის საქველმოქმედო ფონდის მსახიობებმა ილია ჭვაჭავაძის შემოქმედება წარმოადგინეს, მწერლის ცხოვრებასა და მოღვაწეობაზე გაიმართა საჯარო ლექცია.180 წლის იუბილესთან დაკავშირებით, ახალხიზის ბიობლიოთეკას ილია ჭავჭავაძის სახელი დაერქვა.
- დეტალები
- განყოფილება: სიახლეები
- გადასვლები: 129
პოლონეთის საგარეო საქმეთა სამინისტროს დაფინანსებით გორის მუნიციპალიტეტის სოფელ ტინისხიდში ბავშვებისთვის, შშმ. პირებისა და მოხუცებულებისთვის სამკურნალო - სარეაბილიტაციო ცენტრი გაიხსნება. ცენტრი შიდა ქართლის რეგიონის 80 ბენეფიციარს მოემსახურება. შერჩეულია შენობა, რომლის რეაბილიტაცია და აღჭურვა მალე დაიწყება. პროექტი, რომელმაც ყველა კრიტერიუმი დააკმაყოფილა და გაიმარჯვა, 300 000 ლარის ღირებულებისაა. რაჩიეჰოვიცესა და გოლდაპის მუნიციპალიტეტების მიერ ერთობლივადწარდგენილ პროექტში, პარტნიოორი მხარე გორის მუნიციპალიტეტის გამგეობაა. პოლონეთთან ურთიერთთანამშრომლობის შედეგებზე, დღეს გორის მუნიციპალიტეტის გამგებელმა დავით ონიაშვილმა მედიასთან და ადგილობრივი ხელისუფლების წარმომადგენლებთან ისაუბრა.
გორელი სტუდენტების სტაჟირება პოლონეთის თვითმმართველი ერთეულების სხვადასხვა დეპარტამენტში, პოლონელი და ქართველი სპორტსმენების ერთობლივი წვრთნები, ქართული ფოლკლორის გაკვეთილები პოლონეთის მუსიკალური სკოლის აღსაღზრდელებისთვის - ეს იმ პროგრამების ჩამონათვალია, რომელიც პოლონეთთან გორის მუნიციპალიტეტის გამგეობის თანამშრომლობის შედეგად დაიგეგმა. გორის მუნიციპალიტეტის გამგეობას საერთაშორისო თანამშრომლობის მემორანდუმი პოლონეთის შვიდ თვითმმართველ ერთეულთან აქვს გაფორმებული და ევროკავშირისა და პოლონეთის ფონდებში სხვადასხვა ერთობლივი პროექტი აქვს შეტანილი.
- დეტალები
- განყოფილება: სიახლეები
- გადასვლები: 123
ფაშიზმზე გამარჯვების 72 -ე წლისთავი გორში ტრადიციულად საბრძოლო დიდების მუზეუმში აღინიშნა. ადგილობრივიბრივი ხელისუფლების წარმომადგენლებმა გვირგვინებით შეამკეს დიდების მემორიალი და წუთიერი დუმილით პატივი მიაგეს მეორე მსოფლიო ომში გარდაცვლილ გმირთა ხსოვნას. დიდების მუზეუმში სპეციალურად ვეტერანებისთვის ახალგაზრდების მიერ გაიმართა წარმოდგენა. ღონისძიება ქალაქ გორისა და გორის მუნიციპალიტეტების კულტურის ცეტრების მიერ იყო ორგანიზებული.
ვეტერანებს ფაშიზმზე გამარჯვების დღე გორის მუნიციპალიტეტის გამგებელმა ავით ონიაშვილმა მიულოცა - "ქედს ვიხრი თქვენს წინაშე და დიდხანს მინდა, რომ იცხოვროთ ჯანმრთელად. თქვენი გმირობის ამბავი აუცილებელია იცოდეს მომავალმა თაობამ, ჩვენ ვალდებულები ვართ თქვენზე ვიზრუნოთ და პატარებს მოვუყვეთ თქვენს შესახებ. გორის მუნიციპალიტეტის გამგეობა მეორე მსოფლიო ომის ვეტერანებს ერთჯერადად 300 ლარით ეხმარება. ფაშიზმზე გამარჯვების დღესთან დაკავშირებით კი მათ 50 ლარის ღირებულების პროდუქტი გადაეცათ.