გორის მუნიციპალიტეტის გენდერული თანასწორობის საბჭოს წევრებმა მონაწილეობა მიიღეს ორდღიან სამუშაო შეხვედრაში, რომლის ფარგლებშიც განხილული იყო შემდეგი საკითხები: გენდერული თანასწორობის ადგილობრივი და საერთაშორისო საკანონმდებლო ჩარჩო, ქალთა მიმართ და ოჯახში ძალადობა, გენდერული თანასწორობის ადგილობრივი სამოქმედო გეგმა და მისი კავშირი ეროვნულ და საერთაშორისო პოლიტიკასთან და სხვა.შეხვედრას ესწრებოდა საქართველოს პარლამენტის გენდერული თანასწორობის საბჭოს თავმჯდომარე ნინო წილოსანი.
სამუშაო შეხვედრას უძღვებოდნენ ევროკავშირის პროექტის ხელმძღვანელი პატრისია როსა გარსია და ევროკავშირის პროექტის ექსპერტი ნინო დოლიძე.
სამუშაო შეხვედრა გაიმართა ევროკავშირის პროექტის ,,გენდეული თანასწორობა და ქალთა მიმართ მხარდაჭერა“ ფარგლებში. პროექტში საქართველოს მასშტაბით სხვა მუნიციპალიტეტებიც არიან ჩართულნი.
