გორის მუნიციპალიტეტის საკრებულოს თავმჯდომარემ დავით რაზმაძემ,გორის მუნიციპალიტეტის მერმა ვლადიმერ ხინჩეგაშვილმა და შიდა ქართლის სახელმწიფო რწმუნებულის მოადგილემ აბელ აბესაძემ ადგილობრივი ხელისუფლების სხვა წარმომადგენლებთან ერთად 9 აპრილის მემორიალი ყვავილებით შეამკეს და შეკრებილ მოქალაქეებთან ერთად დაღუპულთა სულებს პატივი მიაგეს.
გორის მუნიციპალიტეტის გენდერული თანასწორობის საბჭოს წევრებმა მონაწილეობა მიიღეს ორდღიან სამუშაო შეხვედრაში, რომლის ფარგლებშიც განხილული იყო შემდეგი საკითხები: გენდერული თანასწორობის ადგილობრივი და საერთაშორისო საკანონმდებლო ჩარჩო, ქალთა მიმართ და ოჯახში ძალადობა, გენდერული თანასწორობის ადგილობრივი სამოქმედო გეგმა და მისი კავშირი ეროვნულ და საერთაშორისო პოლიტიკასთან და სხვა.
გორის მუნიციპალიტეტის საკრებულოს თავმჯდომარემ დავით რაზმაძემ ხელი მოაწერა გორის მუნიციპალიტეტის საკრებულოსა და ა(ა)იპ სამოქალაქო საზოგადოების ინსტიტუტს შორის ურთიერთანამშრომლობის მემორანდუმს.
თანამშრომლობა მიზნად ისახავს მუნიციპალიტეტის დაწესებულებებისა და ორგანიზაციების თანამშრომლების, ადგილობრივი ახალგაზრდების და სხვა ადგილობრივი აქტორების ცნობიერების ამაღლებას სხვადასხვა მიმართულებით.
მუნიციპალიტეტის უფლებამოსილებების განხორციელებაში, ანგარიშვალდებულების, გამჭვირვალობისა და მონაწილეობითი მიდგომების დანერგვის ხელშეწყობას.
თანამშრომლობის ფარგლებში მოხდება „ბენჩმარქინგის“, როგორც შიდა შეფასების მეთოდოლოგიის მუნიციპალურ დაწესებულებებში და ორგანიზაციებში დანერგვის ხელშეწყობა.
მოქალაქეთა ჩართულობის გაძლიერების მიზნით, მონაწილეობითი ბიუჯეტირების მოდელის განვითარება და სამოქალაქო მონიტორინგის მექანიზმების დანერგვა.
დავით რაზმაძე
