20 მარტს გორის მუნიციპალიტეტის საკრებულოს სხდომათა დარბაზში გაიმართა საკრებულოს ფრაქცია ,,ქართული ოცნება-დემოკრატიული საქართველოს“ სხდომა, სადაც განხილულ იქნა ფრაქციის თავმჯდომარის მიხეილ გოგინაშვილის ინიციატივა ვებ-გვერდის შექმნასთან დაკავშირებით. ვებ-გვერდის მაკეტი ა(ა)იპ გორის მუნიციპალიტეტის სტრატეგიული განვითარების ცენტრმა წარმოადგინა,რომელიც ითვალისწინებს ინფორმაციას, ფერმერებისათვის და დაინტერესებულ პირთათვის, გორის მუნიციპალიტეტში მოწეული სოფლის მეურნეობის პროდუქციის და სოფლის მეურნეობასთან დაკავშირებულ საკითხებზე. ზემოაღნიშნულთან დაკავშირებით სხდომაზე გამოითქვა მოსაზრებები. წარმოდგენილი პროექტის მაკეტი ფრაქციის წევრების მიერ მოწონებულ იქნა.
