დღეს,გორის მუნიციპალიტეტის საკრებულოს თავმჯდომარე დავით რაზმაძე, საკრებულოს წევრები და აპარატის თანამშრომლები ქართულ-პოლონური ახალგაზრდული სასწავლო გაცვლითი პროგრამის ფარგლებში, პოლონელ ახალგაზრდებს შეხვდნენ. ქართულ-პოლონური ახალგაზრდული სასწავლო გაცვლითი პროგრამის შექმნის ინიციატივა წარმოიშვა გორისა და ტომაშოვ ლუბელსკის (პოლონეთი) მუნიციპალიტეტებს შორის არსებული თანამშრომლობის ფარგლებში. პროგრამა გულისხმობს ორივე ქვეყნაში, ერთ კვირიანი გაცვლითი პროგრამის ორგანიზებას, რომელშიც ერთობლივად იქნება ჩართული 10 ქართველი და 10 პოლონელი ახალგაზრდა. პროგრამის მიზანია, ორივე ქვეყნის ახალგაზრდების მიერ საქართველოსა და პოლონეთის კულტურული მემკვიდრეობის გაცნობა,არაფორმალური სწავლების მეთოდების გამოყენებით ახალგაზრდების ერთმანეთთან დაახლოება და მათი სოციალური უნარების გაძლიერება. გაცნობითი სახის შეხვედრაზე ახალგაზრდებს მიეცათ ამომწურავი ინფორმაცია მათთვის საინტერესო საკითხებზე.

გორის მუნიციპალიტეტის საკრებულოს რიგით სხდომაზე საკრებულოს წევრებმა დღის წესრიგით გათვალისწინებული 24 საკითხი განიხილეს. საკრებულოს დღევანდელ სხდომას 34 საკრებულოს წევრი ესწრებოდა. მათმა უმრავლესობამ 19 საკითხს მხარი დაუჭირა, 3 საკითხი შეეხებოდა ანგარიშებს და დადებითად შეაფასა, ხოლო 2 საკითხზე მოისმინა ინფორმაცია.
საკრებულოს სხდომაზე გორის მუნიციპალიტეტის მერიის სივრცითი მოწყობისა და ინფრასტრუქტურის სამსახურის ინფრასტრუქტურული განვითარებისა და კეთილმოწყობის განყოფილების მიერ წარმოდგენილი ანგარიშის მიხედვით. გორის მუნიციპალიტეტში, საქართველოს რეგიონებში განსახორციელებელი პროექტების ფონდის და ადგილობრივი ბიუჯეტის თანადაფინანსებით განხორციელდა და მიმდინარეობს 17 ინფრასტრუქტურული პროექტი, ჯამური ღირებულებით: 13 268 868 ლარი, მათ შორის 10 484 918 ლარი ცენტრალური ბიუჯეტიდან და 2 783 950 ლარი ადგილობრივი ბიუჯეტიდან.ადგილობრივი ბიუჯეტის დაფინანსებით 2019 წელს განხორციელდა და ხორციელდება 8 250 100 ლარის სამუშაოები, მათ შორის სამოქალაქო ბიუჯეტით 2 514 170 ლარის სამუშაოები.
დღის წესრიგის საკითხები ეხებოდა მუნიციპალიტეტის ქონების იჯარის ფორმით გადაცემას, მუნიციპალიტეტის საკუთრებაში არსებული უძრავი ქონების საპრივატიზაციო ობიექტების ნუსხის და გეგმის დამტკიცებას, ასევე გორის მუნიციპალიტეტის 2019 წლის ბიუჯეტში შესატანი ცვლილებებს და სხვა.

„მასწავლებლის ეროვნული ჯილდოს“ კონკურსის ერთ-ერთი ფინალისტი გორის მუნიციპალიტეტში მცხოვრები, სოფელ ქვეშის სკოლის პედაგოგი, წარმატებული მასწავლებელი - ნათია კურტანიძე გახლავთ.

ქალბატონ ნათიას დღეს საკრებულოს თავმჯდომარე დავით რაზმაძე და საკრებულოს წევრები შეხვდენ. შეხვედრაზე ქალბატონო ნათია წარსდგა საკრებულოს წინაშე და მადლობა გადაუხადა მათ დაინტერესებისთვის და მისი დაფასებისთვის.
ბატონმა დავითმა და საკრებულოს წევრებმა წარმატებები უსურვებს მას და გამოთქვეს იმედი 5 ოქტომბერს, მასწავლებლის მსოფლიო დღეს, ჟიურის რჩეული ნათია გახდება.

შეგახსენებთ, რომ განათლების კოალიციის ინიციატივით და მასწავლებელთა პროფესიული განვითარების ეროვნულ ცენტრთან პატრნიორობით მიმდინარე „მასწავლებლის ეროვნული ჯილდოს“ კონკურსის ფარგლებში 5 ფინალისტი დასახელდა, რომელთაგან ერთ-ერთი 2019 წლის 5 ოქტომბერს მასწავლებლის მსოფლიო დღეს, მასწავლებლის ეროვნული ჯილდოს მფლობელი გახდება.

„მასწავლებლის ეროვნული ჯილდო“ წარმოადგენს გლობალური კამპანიის ნაწილს, რომელიც მიზნად ისახავს წარმატებული მასწავლებლების გამოვლენას, მათ წახალისებასა და პროფესიის პოპულარიზაციას.

წარმატებებს ვუსურვებთ ქალბატონ ნათიას და ველოდებით 5 ოქტომბერს მის გამარჯვებას.