2 მარტს 15.00 საათზე გაიმართა გორის მუნიციპალიტეტის საკრებულოს ბიუროს სხდომა;
სხდომაზე, 10 მარტის საკრებულოს მორიგი სხდომის რიგითობა და მოხსენებები განისაზღვრა.
„ძლიერები ძალადობის წინააღმდეგ“ - შეჯიბრი კრივში
„ძლიერები ძალადობის წინააღმდეგ“ ასეთი ლოზუნგით გაიმართა შეჯიბრი კრივში, ქალთა ძალადობის წინააღმდეგ მიმართული 16 დღიანი კამპანიის ფარგლებში გორის მუნიციპალიტეტის გენდერული თანასწორობის საბჭოს მიერ ორგანიზებულ შეჯიბრში, რომელიც გაიმართა 6 დეკემბერს 14.00 საათზე კრივის სკოლაში. შეჯიბრში მონაწილეობდნენ მოკრივე ბიჭები და გოგონები. ღონისძიებას ესწრებოდნენ გორის მუნიციპალიტეტის მერიისა და საკრებულოს წარმომადგენლები და სტუმრები ევროკავშირიდან. კრივში მონაწილე ბიჭებს და გოგონებს ევროკავშირისგან და გორის მუნიციპალიტეტის გენდერული საბჭოსგან გადაეცათ თასები და სიგელები.
გორის მუნიციპალიტეტის საკრებულოსა და აღმოსავლეთ ევროპის მრავალპარტიული დემოკრატიის ცენტრს შორის ურთიერთთანამშრომლობის მემორანდუმი გაფორმდა
2022 წლის 18 ნოემბერს, გორის მუნიციპალიტეტის საკრებულოსა და აღმოსავლეთ ევროპის მრავალპარტიული დემოკრატიის ცენტრს შორის ურთიერთთანამშრომლობის მემორანდუმი გაფორმდა.
მემორანდუმის მიზანი და ამოცანებია მხარეთა საერთო ინტერესების სფეროში შემავალ აქტუალურ საკითხებზე თანამშრომლობა სასწავლო-საგანმანათლებლო, მოქალაქეთა ჩართულობის გაზრდაზე ორიენტირებული პროექტების განხორციელების, თუ რესურსების (მათ შორის, ინტელექტუალური) გაზიარების გზით.
აქტუალურ საკითხებზე ერთობლივი სამუშაო შეხვედრების, კონფერენციების ორგანიზება; სასწავლო-საგანმანათლებლო პროექტების განხორციელება; პოლიტიკური თანამდებობის პირების ჩართვის უზრუნველყოფა მხარეთა მიერ ორგანიზებულ სასწავლო პროგრამებსა თუ პროექტებში და პოლიტიკური დიალოგის ფორმატის შეხვედრებში; მხარეთა ექსპერტული და ანალიტიკური რესურსის გაზიარება; სხვა ღონისძიებების განხორციელება მემორანდუმის ფარგლებში თანამშრომლობის მიზნების მისაღწევად.
