7 - დან 15 ოქტომბერის ჩათვლით საქართველოს მასშტაბით, მთავრობის ადმინისტრაციის ორგანიზებით ყოველწლიური ღვინის ფესტივალი „ღვინის დღეები“ გაიმართება.
ღონისძიების ადგილი: თეატრის სკვერი
დასაწყისი: 14:00 სთ.
27 სექტემბერი სოხუმის დაცემის დღეა
გორის მუნიციპალიტეტის მერმა ვლადიმერ ხინჩეგაშვილმა, შიდა ქართლში სახელმწიფო რწმუნებულმა მიხეილ შაყულაშვილმა და საკრებულოს თავმჯდომარის მოადგილემ მარლენ ნადირაძემ საქართველოს ტერიტორიული მთლიანობისთვის დაღუპულ გმირთა მემორიალთან გვირგინები მიიტანეს.
მემორიალთან იმყოფებოდნენ აფხაზეთის ომში მონაწილე ვეტერანები.
ხელისუფლების წარმომადგენლებმა, ვეტერანებთან ერთად კიდევ ერთხელ გაიხსენეს 30 წლის წინ აფხაზეთში მიმდინარე მოვლენები და პატივი მიაგეს უთანასწორო ბრძოლაში დაღუპულთა სულების ხსოვნას.
„27 სექტემბერი მძიმე დღეა ჩვენი ქვეყნისთვის. სოხუმის დაცემიდან 30 წელი გავიდა.
ამ დღის შემდეგ ათასობით ადამიანმა დაკარგა სახლი და საკუთარ სამშობლოში იქცა დევნილად.
ამ ომში დაიღუპა უამრავი ადამიანი, როგორც მშვიდობიანი მოქალაქე, ასევე მებრძოლი ჯარისკაცი.
დღეს კიდევ ერთხელ გავიხსენეთ ისინი და პატივი მივაგეთ გარდაცვლილთა ხსოვნას.
საქართველო მშვიდობიანი გზით, აუცილებლად დაიბრუნებს დაკარგულ ტერიტორიებს.“ - გორის მუნიციპალიტეტის მერი ვლადიმერ ხინჩეგაშვილი.
სოხუმის დაცემის 30 წლისთავზე, აფხაზეთის ომში დაღუპულთა ხსოვნის პატივის მიგების მიზნით, დღეს გორში დაშვებულია საქართველოს სახელმოწიფო დროშები.
საქართველოს ცენტრალური საარჩევნო კომისიის თავმჯომარემ და წარმომადგენლებმა გორის საკრებულოს წევრებს და აპარატის თანამშრომლებს საარჩევნო ელექტრონული ტექნოლოგიები გააცნეს
20 სექტემბერს გორის საკრებულოს წევრები და აპარატის თანამშრომლები საარჩევნო ელექტრონულ ტექნოლოგიებს გაეცნენ. საარჩევნო სიახლეების შესახებ ამომრჩეველთა ინფორმირების ფართომასშტაბიანი კამპანიის ფარგლებში, საარჩევნო ადმინისტრაციამ სახელმწიფო სტრუქტურებიდან პირველი შეხვედრა გორის საკრებულოში გამართა.
შეხვედრა ცენტრალური საარჩევნო კომისიის თავმჯდომარე გიორგი კალანდარიშვილმა გახსნა და დეტალურად ისაუბრა არჩევნების მოდერნიზების, ელექტრონული ტექნოლოგიების გამოყენებისა და დანერგვის მნიშვნელობის შესახებ.
გაიმართა იმიტირებული კენჭისყრაც, საკრებულოს წარმომადგენლებმა პრაქტიკაში გამოცადეს - ვერიფიკაციისა და ხმის დათვლის აპარატების მუშაობა.
