გორის მუნიციპალიტეტის 2022-2024 წ.წ. გენდერული თანასწორობის სამოქმედო გეგმის თანახმად, გორის მუნიციპალიტეტის გენდერული თანასწორობის საბჭო მუშაობს 6 ძირითადი მიმართულებით. ერთ-ერთი მიმართულებაა ქალთა ეკონომიკური გაძლიერება. იმისთვის, რომ მივაღწიოთ ქალთა ეკონომიკურ გაძლიერებას, საჭიროა ხელი შევუწყოთ ქალთა განვითარებას და მათში სხვადასხვა უნარების აღმოჩენას, განათლებას (მათ შორის სხვადასხვა პროფესიის შესწავლად) და დასაქმებას,ისეთი ღონისძიებების ჩატარებას, რაც საბოლოო ჯამში
გაზრდის მუნიციპალიტეტში მცხოვრები სოციალურ-ეკონომიკურად გაძლიერებული ბენეფიციარების რაოდენობას.
სწორედ ამიტომ, გენდერული თანასწორობის საბჭოს ორგანიზებით, მიმდინარე წლის 31 ოქტომბერს ჩატარდა კარიერული ორიენტაციის ტრენინგი, რომელშიც მონაწილეობას იღებდა 15–მდე სამუშაოს მაძიებელი ქალი გორის მუნიციპალიტეტის სხვადასხვა სოფლებიდან.
ტრენინგი მოიცავდა ისეთ საკითხებს, როგორიცაა: შრომის ბაზარზე არსებული მოთხოვნები, სამეშაოსთვის მზაობა, როგორ უნდა მოვამზადოთ ეფექტური cv , მოტივაციის წერილი და როგორ მოვემზადოთ ეფექტურად გასაუბრებისთვის. ტრენინგი მიდიოდა კითხვა–პასუხის რეჟიმში, მონაწილე ქალები ტრენერებს უზიარებდნენ აქამდე არსებულ გამოცდილებას და იმ გამოწვევებს, რომელიც შეხვდათ სამუშაოს ძიების დროს.
ტრენინგი განხორციელდა განათლების განვითარების და დასაქმების ცენტრთან თანამშრომლობით, რომელიც შიდა ქართლის რეგიონში ახორციელებს ევროკავშირის მიერ დაფინანსებულ პროექტს „სწავლა, წვრთნა და კავშირების დამყარება დასაქმებისთვის“ სატრენინგო სესია გახსნა გორის მუნიციპალიტეტის გენდერული თანასწორობის საბჭოს მდივანმა ვერა ბიწაძემ, სესიას უძღვებოდნენ ნინო მეგრელიშვილი და თამუნა ბიგანიშვილი, აქვე აღვნიშნავთ, რომ ნინო მეგრელიშვილი გენდერული თანასწორობის საბჭოს წევრია სამოქალაქო სექტორიდან.
ტრენინგის დროს მიღებული ცოდნა ხელს შეუწყობს მათ დასაქმებაში, ასევე მონაწილე ბენეფიიცარებს შესაძლებლობა ექნებათ ადგილზე ისარგებლონ უფასო კარიერული კონსულტაციით, დარეგისტრირდნენ სამუშაოს მაძიებელთა ბაზაში და გაზარდონ დასაქმების შესაძლებლობა შრომის ბაზარზე.
მსგავსი ტიპის ტრენინგები მომავალშიც ჩატარდება.
3 ნოემბერს ანა ფერაძის სახელობის გორის სამხატვრო სკოლაში, გორელი მხატვრის,ლია მინდიაშვილის ნამუშევრების პერსონალური გამოფენა ,,დრო ვერ წაშლის ყველაფერს’’ გაიხსნა.
გორის მუნიციპალიტეტის გენდერული თანასწორობის საბჭოს მიერ, გორში, ვერხვების დევნილთა ჩასახლებაში ჩატარდა საინფორმაციო გასვლითი შეხვედრა. გენდერული თანასწორობის საბჭოს სახელით შეხვედრას ესწრებოდნენ: თამარ მურალოვა,ლია მამულაშვილი, ნანი ოქროპირიძე, ბექა ლობჟანიძე, ინგა ტარიელაშვილი და ვერა ბიწაძე,ასევე ევროკავშირის სადამკვირვებლო მისიის გორის ოფისის წარმომადგენლები და ვერხვების დევნილთა ჩასახლების მაცხოვრებლები.
