სხდომაზე განხილული და მხარდაჭერილი იქნა დღის წესრიგით გათვალისწინებული 25 საკითხი,ერთი საკითხი (N26) საკრებულოს წევრებმა ინფორმაციის სახით მოისმინეს,ხოლო დღის წესრიგით გათვალისწინებულ (N11)საკითხს მხარი არ დაუჭირეს.

საკრებულოს წევრებმა აგრეთვე განიხილეს სოციალური დახმარების გაცემის წესში შესატანი ცვლილებები; ასევე გორის მუნიციპალიტეტის საკუთრებაში არსებული უძრავი ქონების საპრივატიზაციო ობიექტების ნუსხაში ცვლილებები; რამდენიმე მუნიციპალური ქონების სხვადასხვა იურიდიული თუ ფიზიკური პირისთვის იჯარის წესით ქონების გადაცემის; გორის მუნიციპალიტეტში 2022 წელს საქართველოს სახელმწიფო ბიუჯეტით გათვალისწინებული მაღალმთიანი დასახლებების განვითარების ფონდიდან დასაფინანსებელი პროექტების მოწონების თაობაზე განკარგულების პროექტი; გორის მუნიციპალიტეტის რამდენიმე სოფელში ქუჩების სახელდების შესახებ შესაბამის განკარგულებაში ცვლილებისა და ასევე, რამდენიმე სოფელში არსებული ქუჩების სახელდების; ამასთანავე, ქალაქისა და რამდენიმე სოფლის სხვადასხვა ლოკაციაზე „ხელოვნური უსწორმასწორობების“ განთავსების საკითხები.

საკრებულოს სხდომაზე საკრებულოს წევრებმა , ასევე, მოისმინეს რამდენიმე მუნიციპალური სამსახურის მიერ გაწეული სამუშაოების ანგარიში და დადებითად შეაფასეს გორის მუნიციპალიტეტის 2022 წლის პირველი კვარტლის ბიუჯეტის შესრულების ანგარიში.

5 მაისს 15.00 საათზე გაიმართა გორის მუნიციპალიტეტის საკრებულოს ბიუროს სხდომა;

გორის მუნიციპალიტეტის საკრებულოს ბიურომ დღევანდელ სხდომაზე, 13 მაისის საკრებულოს მორიგი სხდომის რიგითობა და მომხსენებლები განსაზღვრა.