12 აპრილს გორის მუნიციპალიტეტის გენდერული თანასწორობის საბჭოს სხდომა გაიმართა. ღონისძიება გენდერული თანასწორობის საბჭოს თავმჯდომარემ დავით რაზმაძემ გახსნა საბჭოს წევრებისადმი სიტყვით მიმართვისას იგი შეეხო იმ პროექტებს, რომლებსაც ადგილობრივი ხელისუფლება ახორციელებს გენდერული კუთხით. განსაკუთრებული ყურადღება დაუთმო გენდერული ბიუჯეტისა და მომავალში დაგეგმილი ღონისძიებების მიმოხილვას.საბჭოს სხდომაზე დაისახა სამოქმედო გეგმის შემუშავებისთვის საჭირო ღონისძიებები.საბჭოსთან მომავალში თანამშრომლობის მიზნით,სხდომას ესწრებოდა იგპ ქალთა ასოციაცია „თანხმობის“ თავმჯდომარე იულია ხარაიშვილი.
გორის მუნიციპალიტეტის გენდერული თანასწორობის საბჭოს წევრებმა მონაწილეობა მიიღეს ორდღიან სამუშაო შეხვედრაში, რომლის ფარგლებშიც განხილული იყო შემდეგი საკითხები: გენდერული თანასწორობის ადგილობრივი და საერთაშორისო საკანონმდებლო ჩარჩო, ქალთა მიმართ და ოჯახში ძალადობა, გენდერული თანასწორობის ადგილობრივი სამოქმედო გეგმა და მისი კავშირი ეროვნულ და საერთაშორისო პოლიტიკასთან და სხვა.
