- დეტალები
- განყოფილება: სიახლეები
- გადასვლები: 1
გორელი სტუდენტები პოლონეთის ქალაქ გრიფინოს თვითმმართველ ორგანოებში სტაჟირებას გაივლიან.
სტაჟირების პროგრამა გორის მუნიციპალიტეტის გამგეობისა და გრიფინოს მუნიციპალიტეტის ურთიერთთანამშრომლობის საფუძველზე შემუშავდა.
სტაჟირების კურსს 10 დღის განმავლობაში 7 სტუდენტი გაივლის, გრიფინოს მერიისა და გამგეობის სხვადასხვას დეპარტამნეტებში სტუდენტები მათი პროფესიებისა და ინტერესების შესაბამისად გადანაწილდებიან.
სტაჟირება თავისი შინაარსით ფინანსურ, იურიდიულ,სოციალურ, გარემოს დაცვის, ტურიზმის და განათლების სფეროებში სამუშაო გამოცდილების გაზიარებასა და პრაქტიკულ სამუშაოებში ჩართულობას მოიცავს.
გრიფინოს მუნიციპალიტეტთან გორის მუნიციპალიტეტის გამგეობამ საერთაშორისო თანამშრომლობის მემორანდუმი გასულ წელს გააფორმა. აღნიშნულ სტაჟირებასთან დაკავშირებით კი მუნიციპალიტეტები ორი თვის წინ შეთანხმდენენ.
სტაჟირების პროგრამას, სტუდენტების დაბინავებისა და კვების ხარჯებს სრულად პოლონური მხარე ფარავს.
#განათლება
#სტაჟირებაპოლონეთში
#გრიფინოსმუნიციპალიტეტი
#გორისმუნიციპალიტეტი
- დეტალები
- განყოფილება: სიახლეები
- გადასვლები: 11
ადრე ბრინაჯაოს ხანის 5 000 წლის წინანდელ გუდაბერტყას ნამოსახლარზე მტკვარ -არაქსის კულტურის რესტავრირებული ექსპონატების პრეზენტაცია გაიმართა.
ექსპონატების გამოფენას გორის მუნიციპალიტეტის გამგებელი დავით ონიაშვილი, კულტურული მემკვიდრეობის დაცვის ეროვნული სააგენტოს გენერალური დირექტორი ნიკოლოზ ანთიძე და პოლონელი ტურისტები ესწრებოდნენ.
„ამ ძეგლს ბევრი დატვირთვა და დიდი ტურისტული პოტენციალი აქვს, მას მიენიჭა კულტურული მემკვიდრეობის ძეგლის სტატუსი, ამ ტერიტორიაზე გათხრები მუდმივად იქნება, უკვე მოეწყო სპეციალური აივანი და რესტავრირება ჩაუტარდა აღმოჩენილ ექსპონატებს, ასე რომ, სამინისტრო მუნიციპალიტეტთან ერთად ახლო მომალავში გეგმავს, რომ აქ მოეწყოს მაღალი დონის ტურისტული ინფრასტრუქტურა“- განაცხადა კულტურული მემკვიდრეობის დაცვის ეროვნული სააგენტოს გენერალურმა დირექტორმა ნიკოლოზ ანთიძემ.
გუდაბერტყას ნამოსახლარი გორის მუნიციპალიტეტის ტერიტორიაზე მდებარეობს, არქეოლოგების დასკვნითის, ის ძვ.წ 31-29 საუკუნეებით თარიღდება და არის მტკვარ არაქსისი კულტურის ნაწილი. ამ დროისთვის ნამოსახლარზე აღმოჩენილია სხვადასხვა ზომისა და ფორმის თიხის ჭურჭელი, ნაქსოვი ზეწარი, თაფლი და ა.შ.
ნამოსახლარზე პრაქტიკების გავლას ევროპული უნივერსიტეტების სტუდენტები უკვე გეგმავენ.
- დეტალები
- განყოფილება: სიახლეები
- გადასვლები: 15
"ჰუსარია რალიმ" საქველმოქმედო მსვლელობა უფლისციხეში დაასრულა. პოლონური საქველმოქმედო ორგანიზაციის წარმომადგენლებმა გორის მუნიციპალიტეტის საბავშვო ბაღებისათვის და შშმ პირებისათვის საჩუქრები და მათთვის საჭირო ნივთები სლოვაკეთის, უნგრეთის, რუმინეთის, ბულგარეთისა და თურქეთის გავლით სოფელ ატენისა და ბნავისის საბავშვო ბაღებში ჩამოიტანეს.
საქველმოქმედო ორგანიზაციის ხელმძღვანელის პიოტრ პირკას თქმით, ორგანიზაცია 20 წელია არსებობს, და ამ ხნის განმავლობაში ისინი თანხებსა და სხადასხვა ნივთებს პოლონელი ბავშვებისათვის აგროვებდნენ , ეს პირველი შემთხვევაა, როდესაც მსგავსი აქციის გამართვა ქართველი ბავშვებისთვისაც გადაწყვიტეს და გორის მუნიციპალიტეტის სოფლებს თავადვე ეწვივნენ სხვადასხვა საჩუქრებით.
„ჰუსარია რალის“ წარმომადგენლები მუნიციპალიტეტის სოფლებს გორის მუნიციპალიტეტის გამგებლის დავით ონიაშვილის მოწვევის საფუძველზე ესტუმრნენ. საქველმოქმედო აქციის მხარდამჭერი გორის მუნიციპალიტეტთან ერთად პოლონეთის რესპუბლიკის საელჩოა.
#პოლონეთი #საქართველო #ქველმოქმედებასსაზღვრებიარაქვს
- დეტალები
- განყოფილება: სიახლეები
- გადასვლები: 28
- დეტალები
- განყოფილება: სიახლეები
- გადასვლები: 31
გორის მუნიციპალიტეტის ტერიტორიაზე მცხოვრებმა სკოლის მოსწავლეებმა ფრანგული ენის შემსწავლელი ინტენსიური ტრენინ-კურსი ქალაქ ნიცაში გაირეს. ასოციაცია „საქართველოს ცენტრისა“ და გორის მუნიციპალიტეტის გამგეობის ერთობლივი პროექტის ფარგლებში, გორის მუნიციპალიტეტის სკოლების ხუთ მოსწავლეს მიეცათ საშუალება სრულიად უფასოდ , 15 დღის განმავლობაში შეესწავლათ ფრანგული ენა, გაცნობოდნენ ფრანგულ ტრადიციებსა და კულტურას, მოენახულებინათ ისტორიული ქალაქები და ღირსშესანიშნავი ადგილები.
მოსწავლეები , რომლებიც ფრანგულ ენაში საბაზისო საფუძვლებს უკვე ფლობდნენ , ასოციაცია „საქართველოს ცენტრის“ ორგანიზატორების მიერ კონკურსის საფუძველზე შეირჩნენ. აღნიშნული პროექტისათვის გათვალისწინებული ხარჯები ასოციაცია „საქართველოს ცენტრმა“ დააფინანსა, გორის მუნიციპალიტეტის გამგეობამ კი მოსწავლეებისა და მათი პედაგოგის ტრანსპორტირების ხარჯები დაფარა.
„სამომავლოდ აუცილებელად იგეგმება ამ პროექტის გაგრძელება, ახლა უკვე ახალი ნაკადი შეძლებს გაცვლითი პროგრამით სარგებლობას, მუნიციპალიტეტის მხრიდან მსგავსი პროექტების მხარდაჭერა აუცილებელია, რადგან ახალგაზრდა თაობის განათლების კუთხით ხელშეწყობა სამომავლოდ ჩვენ ქვეყანას წაადგება“ - განაცხადა გორის მუნიციპალიტეტის გამგებელმა დავით ონიაშვილმა.
"საქართველოს ცენტრი" არის საერთაშორისო დონის ასოციაცია, რომელსაც ხელმძღვანელობს ფრანგი მეცენატი ჟერარდ ჟერმანი. ასოციაცია აქტიურად თანამშრომლობს სხვადასხვა ქვეყნებთან ფრანგული ენისა და კულტურის პოპულარიზაციის კუთხით.
ასოციაცია „საქართველოს ცენტრის“ მიწვევითა და დაფინანსებით ქალაქ ნიცაში იმყოფებოდა გორის მუნიციპალიტეტის ფოლკლორულმა ანსამბლი „მაჩაბელა“. მაჩაბელამ სოლო კონცერტები ნიცასა და კუნძულ კორსიკაზე გამართა.
#განათლება2017 #კულტურა2017 #ნიცა #გორისმუნიციპალიტეტი #აქტიურიმოსწავლეები